لغز طريقة استخدام المبخرة اللي يخفيه أبو رفيق من سنوات!!
بعد ما الربع خلصوا العشاء رجعوا للمجلس وهم متحمسين لكلام أبو رفيق الأخير… أبو سعود ما قدر يصبر وكرر سؤاله: يا أبو رفيق علمتنا الفرق بين العود والبخور بس البخور اللي شميت عندك اليوم عندي مثله بالضبط بالبيت وريحته عندي أبد ما تجمل وش السر؟
ضحك أبو رفيق وقال: الطيب مثل القهوة إذا ما عرفت تضبط وزنتها ما تكيّف رأسك… فالسالفة كلها في طريقة استخدام المبخرة اللي تتبعها.. تعالوا نبدأ من الصفر…
وش هي المبخرة؟
أبو رفيق أخذ المبخرة بيده وقال: قبل لا نعلمك الفن وطريقة استخدام المبخرة الصح لازم تعرف الأداة اللي بيدك وش هي… المبخرة مو بس وعاء للجمر بل هي الوسيلة اللي تنقل لنا عبير العود بأمان.
فـ لما نسأل وش هي المبخرة؟ .. هي الأداة اللي صُممت عشان تحمل الجمر المشتعل وتسمح بوضع البخور عليه لإنتاج ذاك الدخان العطري وتجي بأشكال وأنواع:
-
المبخرة الخشبية:
وهي رفيقة المجالس الكبيرة وتمتاز بكونها تعزل الحرارة وتقدر تدور بها على الضيوف بكل أريحية.
-
المبخرة السيراميك أو المعدن:
وتناسب أكثر زوايا البيت والمداخل لأن أشكالها عصرية ومودرن أكثر وتتحمل الحرارة العالية لكنها تحتاج عناية خاصة حتى لا تسخن بزيادة.
-
المبخرة الإلكترونية:
اللي طلعت الحين وتصلح للسيارة أو المكاتب لسرعتها ومع إنها عملية إلا أن طريقة استخدام المبخرة اليدوية بالجمر تبقى هي اللي تعطي الريحة الأصلية والتقليدية.
-
المبخرة الرخامية:
هذي تعطي فخامة وثبات على الطاولات وثقيلة ما تنقلب بسرعة وتعتبر من الخيارات الممتازة لإظهار جمال الطيب.
لكن أبو رفيق شدد على نقطة وقال: لكن ما تنسى إن المبخرة دورها تطلع الرائحة الطيبة على أكمل وجه مثل ما تبيها لكن هي مو مسؤلة على ثباتها هذي مسؤوليتك إنت.
وقبل ما أحد ينطق قال: وإختصارًا للبحث الكثير فأنا من 3 أيام تقريبًا قرأت مقالة من دار العامرية عن طريقة تثبيت البخور مرّة راح تفيدكم.
كيفية استخدام المُبخِّر وش هي طريقة استخدام المبخرة الصحيحة؟
أبو رفيق عدّل جلسته وقال: اسمع يا أبو سعود الموضوع مو بس وضع الفحم والدخون الموضوع فن يبدأ من الجمرة وينتهي بالريحة اللي ترد الروح وبدأ يشرح لهم بالخطوات اللي تضمن لك أقصى فائدة من الطيب:
1. اختيار الفحم الصح:
قبل كل شي لازم تختار الفحم اللي يناسب البخور… فالفحم يكون مهم عشان يعطي حرارة مناسبة وما يحترق بسرعة علشان كذا لازم تختار مكان موثوق فيه حتى تشتري منه الفحم الصح.
2. ضبط الحرارة:
أول سر في طريقة استخدام المبخرة هو إنك ما تضع الدخون الأصلي أو البخور والجمرة حمراء… انتظر لين يتكون عليها طبقة رماد خفيفة.
هذي الطبقة تعمل مثل الفرن الهادي تجعل دهن العود يطلع بالهداوة ولا يحترق الخشب ويطلع ريحة حراق كربون تضايقك.
3. كمية البخور المناسبة:
استخدام كمية صغيرة في البداية أفضل عشان تجيب الرائحة المطلوبة وتخلّي البخور يذوب تدريجيًا فوق الفحم بدون ما يحترق.
ولأن النوع عامل مرّة أساسي في طريقة استخدام المبخرة فـ من أسراري مقالة أفضل أنواع البخور للمنزل من دار العامرية واللي عرفتني عن أفضل الأنواع اللي كل الشارع صار يحكي عن رائحتها.
4. وضعية الكسرة الصح:
أما هذا فهو أكبر سر توارثته من جدي…
قال جدي: لازم تضع وجه الكسرة اللي فيه الزبد أو الجهة اللي يغلي فيها الدهن للأعلى والجهة القاسية على الجمر… بكذا تضمن إن الزيوت تتبخر وتنتشر في الجو قبل لا يوصل الحرق لمعدن الكسرة نفسه.
5. توزيع الدخان بحذر:
لا تكتم المبخرة تحت الثوب أو القماش مباشرةً خلِّ مسافة عشان الدخان يتنفس ويمسك في الأنسجة بشكل طبيعي فـ هذي الخطوة في طريقة استخدام المبخرة تمنع تصبغ الملابس وتخلّي الرائحة أنقى وأجمل.
6. المراقبة المستمرة:
بمناسبة جدي تدروا إنه بيوم كنت راح احرق البيت لأني نسيت المبخرة وما راقبتها وكانت بجانب بشت جدي.
ويمها نبهني إني لازم ما اترك المبخرة بدون مراقبة… فـ كلما لاحظت أن الحرارة زايدة خفض الحرارة عشان الريحة تظل معتدلة وما تسبب كوارث.
7. مراعاة المسافة:
أكمل أبو رفيق حديثه عن طريقة استخدام المبخرة وقال: خلِّ المبخرة بعيدة عن الجدران والأسطح الحساسة لأن الحرارة العالية تضر المكان مثل ما كانت راح ادمر بيتنا كله بسبب بشت.
8. التوقيت المثالي:
من أهم النصائح إنك تبخر والمكان فيه رطوبة أو بعد ما تمسح الأرضيات أو رش رذاذ ماء لأن جزيئات الطيب تمسك في الرطوبة وتثبت في زوايا المجلس لفترة أطول بكثير.
9. العناية بالنظافة:
بعد ما تخلص لازم تنظف المبخرة من البقايا عشان تضمن إن كل استخدام بيكون ممتاز والرائحة تظل مثل ما أول مرة شريت فيها المبخرة.
عدّل أبو رفيق جلسته وقال: صدقوني نصائح الأجداد هذي هي كل البركة… فـ خلّني اعترف اعتراف إن يوم حكينا عن افضل انواع الدخون وكل المعلومات اللي عندي هي بالأصل أسرار من جدي اللي ما بخل عني بمعلوماته.
لكن قاطعه أحد الجالسين وقال…
بس يا أبو رفيق أنا ما أعرف كيف انظف المبخرة؟
تنظيف المبخرة... الجزء الأهم في خطوات التبخير الصح!
قال أبو رفيق وهو ينظف بقايا رماد قديم ووضح لهم إن طريقة استخدام المبخرة الصحيحة لازم تتضمن هذي النقاط:
-
التخلص من الرماد أول بأول:
تراكم الرماد القديم يكتم الجمرة الجديدة ويمنع وصول الحرارة المتوازنة للبخور وهذا يخرب عليك الرائحة مهما كان نوع البخور غالي.
-
إزالة بقايا الزيوت المحترقة:
الزيوت العطرية اللي تذوب من المعجون والدخون تترك أثر لزج في قاع المبخرة ومع الوقت والحرارة تطلع رائحة كربون سيئة تخرب رائحة بخورك الجديد وعشان كذا نظافة القاع جزء أساس من طريقة استخدام المبخرة.
-
تهوية المبخرة:
بعد ما تنتهي من التبخير اترك المبخرة تبرد في مكان مفتوح قبل لا تغطيها أو تخزنها لأن هذا يحافظ على معدنها أو خشبها من إنه يمتص روائح الكتمة.
هنا قام أبو سعود وقال: عز الله إنك كفيت ووفيت اليوم عرفنا إن طريقة استخدام المبخرة فن ما يتقنه إلا أهل الصنف.
وودعهم أبو رفيق على وعد بلقاء جديد والمجلس باقي ريحته ثابتة وفواحة تحكي قصة دار العامرية وأسرار الطيب اللي ما تنتهي.
الخاتمة:
في نهاية هذي الجلسة اللي ما تُنسى تأكدنا إن السر مو بس في البخور اللي تشتريه السر الحقيقي في يدك وكيف تسوي طريقة استخدام المبخرة اللي تعكس ذوقك وتقديرك لضيوفك.
وتذكر دايمًا إن الطيب أمانة وإكرامه يبدأ من نظافة مبخرتك وهدوء جمرتك وهذا اللي يخلي ريحة بيتك تعلّم في ذاكرة كل من يزورك.
والحين تطبق أسرار أبو رفيق وخلِّ رائحة بيتك حديث الساعة مع دار العامرية.
الأسئلة الشائعة:
كيف يتم استخدام المبخرة؟
استخدام المبخرة يتم باتباع هذه الخطوات:
-
ضع فحم صغير في المبخرة واشعله باستخدام ولاعة أو عود ثقاب حتى يبدأ في التألق.
-
بعد إشعال الفحم ضع قطعة صغيرة من الدخون على الفحم المشتعل.
-
ستبدأ رائحة الدخون في الانتشار ويمكنك الاستمتاع بالجو العطر
كيف أضع البخور في المبخرة؟
-
أشعل الفحمة وانتظر حتى تشتعل بالكامل وتتكون فوقها طبقة بسيطة من الرماد.
-
ضع قطعة البخور بحيث يكون الوجه الذي يحتوي على دهن هو الملامس للفحم.
-
تجنب وضع البخور والفحمة شديدة الاحمرار.
-
مرر المبخرة أسفل الملابس أو بالقرب من الستائر والأثاث لضمان ثبات الرائحة في ألياف القماش.
-
يفضل تبخير الغرفة وهي مغلقة الأبواب والنوافذ لمدة 5 دقائق ثم افتحيها قليلاً لتجديد الهواء وتثبيت الرائحة.
ماذا أضع في المبخرة؟
في المبخرة يمكنك وضع:
-
العود.
-
الدخون.
-
المسك.
-
اللبان.
-
الزعفران.